स्वयमसेवक शिक्षकको लागी १२ हजार भन्दा बढीको आवेदन

सरकारले आह्वान गरेको स्वयमसेवक शिक्षकको लागी १२ हजार भन्दा बढीको आवेदन परेको छ । सामुदायिक बिद्यालयमा शिक्षक अभाव कम गर्न सरकारले स्वयमसेवक शिक्षकको लागी फागुन १६ गते आवेदन माग गरेको थियो ।

सरकारले करिव १५०० स्वयमसेवक शिक्षकका लागि आवेदन खुलाए पनि आजसम्म झण्डै १२ हजार बढीको आवेदन परेको शिक्षा तथा मानव स्रोत विकास केन्द्र भक्तपुरले जनाएको छ । आवेदकहरुको सर्टिफीकेटमा प्राप्त गरेको अङकको आधारमा स्वयमसेवक शिक्षक छनोट गरिने केन्द्रले जनाएको छ । स्वयमसेवक शिक्षकका लागी स्नातक र स्नातकोत्तर तह पास गरेका १८ वर्ष पूरा भई ४० वर्ष ननाघेका नेपाली नागरिकबाट केन्द्रले आवेदन माग गरेको थियो ।

शिक्षक संख्या कम भएका सरकारी विद्यालयमा पढाउन अंग्रेजी, गणित र विज्ञान मूल विषय पढेकाहरूले निवेदन दिन पाउने केन्द्रको प्रावधान थियो । छनोट भएका स्वयमसेव शिक्षकहरुले शैक्षिक सत्र २०७७ बैशाखदेखी २०७७ चैतसम्म सरकारी विद्यालयमा पढाउन पाउने छन् ।