Educational Updates

राष्ट्रिय परीक्षा बोर्ड एसईई परीक्षाको नतिजा सार्वजनिकको अन्तिम तयारीमा रहेको भएपनि अझै एक दुइ दीन समय लाग्ने भएको छ । राष्ट्रिय परीक्षा बोर्डका अध्यक्ष चन्द्रमणि पौडेलले भने माध्यमिक तह कक्षा (१०) को परीक्षा नियन्त्रण कार्यालयले सम्पूर्ण तयारी सकि बोर्ड बैठकका लागि प्रस्ताव राखेपछि नतिजा सार्वजनिक गरिनेछ । अहिले सम्म बोर्ड बैठकका लागि प्रस्ताव नआएकोले सार्वजनिक हुनमा ढिला भएको हो।  प्रस्ताव आउने बित्तिकै बैठक बसेर नतिजा सार्वजनिकबसी नतिजा सार्वजनिक गरिनेछ ।  

सरकारले यसवर्ष अनुदान शिक्षकका लागि बजेट पारित गरिसकिएको जनाएको छ । तर यो रकम समयमै निकासा नहुँदा शिक्षकहरु भने चिन्तित छन । चालू आर्थिक वर्षको बजेट निकासा भएको दुई महिना भई सक्दा पनि अनुदान शिक्षकको पारिश्रमिक स्थानीय तहमा निकासा नहुँदा उनीहरु चिन्तित भएका हुन् । सामुदायिक विद्यालयको शैक्षिक गुणस्तर बृद्धिका लागि सरकारले विद्यालयलाई दिँदै आएको अनुदान शिक्षकको रकम समयमै निकासा नहुँदा शिक्षकहरुले पारिश्रमिक पाउने कि नपाउने भन्ने अन्योलमा रहेका छन् । सरकारले सामुदायिक विद्यालयको गुणस्तर उकास्नका लागि स्थानीय तह मार्फत अंग्रेजी, गणित र विज्ञान विषयका लागि स्वयंसेवक शिक्षक कार्यक्रम सञ्चालनमा ल्याएपछि आफूहरुलाई विस्थापित गर्न खोजिएकाले रकम निकासा नगरेको उनीहरुको गुनासो छ । शिक्षा तथा मानव स्रोत विकास केन्द्रका निर्देशक डा तुलसीप्रसाद थपलियाले अनुदान शिक्षकको लागि बजेट पारित भइसकेको तर यसलाई कार्यान्वयनमा ल्याउन भने केही समय लाग्ने बताउनु भएको छ। अघिल्ले वर्ष प्रयास गर्दा गर्दै र कोरोना भाइरसको कारणले बजेट निकासा गर्न नसकेको र यसै बर्ष जसरी भए पनि कार्यान्वयनमा ल्याउने बताउनु भएको छ।

मिति २०७७ साल भाद्र ८ गतेदेखि सञ्चालन हुने भनिएको स्नातक तहको परीक्षा कोरोना भाइरस ( कोभिड १९) संक्रमण को जोखिम कायम रहेको, कतिपय जिल्लामा निषेधाज्ञा जारी गरिएको र प्राकृतिक प्रकोपको कारणले स्थलमार्ग सुचारु नभएको कारणले गर्दा पूर्व प्रकाशित परीक्षा कार्य तालिका अर्को सुचना प्रकाशित नभएसम्मका लागि स्थगित गरिएको सम्बन्धित सबैको जानकारीका लागि सुचित गरिन्छ। साथै, स्थगित गरिएको परीक्षा कार्य तालिका उपरोक्त अवस्थामा सुधार आउनासाथ प्रकाशन गरिने हुँदा परीक्षा तयारीमै रहन पनि सुचित गरिन्छ।

SEE परीक्षाको आन्तरिक मूल्यांकनको नतिजा मंगलबार सम्ममा प्रकाशित हुने भएको छ । उपनियन्त्रक महेश्वर शर्माको अनुसार सबै तयारी अन्तिम चरणमा पुगेको र कुनै समस्या नआएमा मंगलबार सम्ममा नतिजा प्रकाशित हुने भएको हो । उहाले एसइई परीक्षाको नतिजा प्रकाशितको लागि अहिले तयारी गरिरहेको बताउनुभयो। यस वर्षको SEE परीक्षामा ४ लाख ८२ हजार २ सय १९ विद्यार्थी सहभागी हुँदै थिए । तर कोरोना महामारीका कारण परीक्षा सुरु हुनु एक दिनअघि ५ चैतमा परिक्षा स्थगित गरिएको थियो । पछि परीक्षा लिन सक्ने स्थिति नभएपछि विद्यालयको आन्तरिक मूल्यांकनका आधारमा नतिजा प्रकाशन गर्ने निर्णय लिएको थियो। SEE नतिजा हेर्नको लागि मोबाईल एसएमएस बाट SEE लेखेर एउटा स्पेस दिइ आफ्नो सिम्बोल नम्बर लेखेर 34949 मा पठाउन सकिन्छ । उदाहरणको लागि तपाइँको सिम्बोल नम्बर १२३४५६७८ हो भने आफ्नो म्यासेज बक्समा गई SEE 12345678 लेखेर 34949 मा पठाउने त्यसपछि नतिजा को बारेमा जानकारी तपाईंको एसएमएस मा आउनेछ। त्यसैगरी see.ntc.net.np मा गएर समेत एसइईको नतिजा हेर्न सकिनेछ।